六四學運領袖吾爾開希嚟香港送阿梅最後一程之後，噚日四出見朋友同大吃一番，唔怪得佢個肚腩咁鬼大。佢下晝離開酒店後，坐的士去咗銅鑼灣食街間「帕莎」新疆菜館一嘗家鄉菜，食飽飽又坐的士去會展新翼同朋友飲下午茶。
到咗俟晚，佢又再次出動，今次同啲朋友坐的士經東隧過海，直去鯉魚門食海鮮。象拔蚌、聖子、鮑魚、赤貝都有，認真豐富。
噚日食得咁好，唔知係咪為今日喺FCC嘅午餐會做好準備。希希今日嘅講題係「由北京到台北，由台北到香港」，講吓佢八九之後嘅流亡生涯，以及佢為中國民主所作嘅貢獻，想見吓呢位當年嘅學運領袖，可以去FCC訂番個好位。
（圖〉希希（右）噚日下晝去食街品嘗家鄉菜，夜晚就去鯉魚門啖鮑魚，難怪身形「keep得到」。
傳真︰2623-9278
電郵︰