是日波幅之大，近期少見，高低相差285點，埋單仍升44點。市場焦點，盡在中石油（857）。中石油收3.925元，只跌2.5%，高出「披成」價6.1%，而好多H股由低位反彈。
中石油披成市場反應算唔錯，可以吼住中石油每次回落，趁低執啲Call輪，對象有9405與9445。兩件數據其實唔係好正，前者6月到期，輪價59仙，溢價13.1%，槓桿率6.7倍；後者7月到期，輪價49.5仙，溢價17.1%，槓桿率7.9倍。不過，有啲輪嘅數據就更加難以接受，例如9467，8月到期，輪價61仙，槓桿率6.4倍，而溢價則去到30.2%，會飛咩？炒中石油Call輪，因為溢價唔細，只宜超短線，坐盤坐得耐，好易輸錢，除非正股升得好厲害。
九倉（004）係比較出色藍籌，收23.75元，有進帳60仙。睇九倉個勢繼續去，炒輪比較適宜揀9086，11月到期，輪價60仙，負溢價0.3%，槓桿率4倍。平水輪，槓桿率唔算大，揸得安心。
電盈（008）收5.45元，跌5仙。Call輪9791收1.01元，跌9仙。3月到期，溢價1.1%，槓桿率5.4倍，呢件要買。
章 盛