「基本法45條關注組」班大狀噚日開記招，喝住煲呔曾嘅政制發展專責小組唔好亂嚟，中途揭發湯家驊原來有啲老年癡呆。
話說湯大狀講到專責小組嘅領導「曾……」，「曾」咗好耐都講唔到「曾蔭權」呢個名，要由吳靄儀幫口，之後佢重要再問吳靄儀，煲呔係咪司長㖭。
隔咗一陣，有記者問到關注組幾時見專責小組，湯大狀自爆前晚法律年開幕見過梁愛詩，佢話詩姐同佢講，喺另一個場合同梁家傑講過，會透過梁大狀約關注組見面。梁大狀聽到第一個反應係：「唔係呀嘩！」第二個反應更加肯定話：「冇喎！」
對住呢兩位孖寶同呢單羅生門疑案，吳靄儀惟有打圓場，叫大家唔好信湯大狀嘅記憶，事關佢連煲呔係司長都唔記得！咁又有啲道理喎。
傳真︰2623-9278
電郵︰