農曆年向來都係出外旅遊嘅黃金檔期，𠵱家都係時候準備執定行裝，不過大家帶定拖鞋牙刷之餘，當然唔好唔記得帶可以將你嘅開心片段記低嘅數碼相機。然而除咗數碼相機之外，重有數碼相儲存器及PDA都係不可或缺嘅數碼產品，再加埋幾個好使好用嘅PDA軟件，有齊呢幾樣「軟硬三寶」，肯定可以令旅程更盡興！
記者：劉耀祥 攝影：陳智良 ImageGirl：Joanne
現行數碼相機除咗可以影相之外，拍片功能亦已經日趨強勁，而且外形更似DV多過似數碼相機，加上機身隨時俾數碼相機重要細，去旅行就可以一機兩用，所以呢類以拍片為主、影相為副嘅數碼新貴愈嚟愈受用家歡迎，拎起旅行就絕對可以大派用場。
而當中Sanyo嘅C1就係今期大熱，超細嘅體積放落衫都唔多覺，而且成部DV外形，一隻手指就可以操作所有功能，喺以方便為大前提嘅旅遊期間，真係相當就手。而規格方面則內置320萬像素CCD，影相拍片都啱晒。不過最強之處都係要數佢嘅鏡頭，5.8倍光學變焦搭上10倍數碼變焦，比好多數碼相機更為優勝。另外去到有雪地等景點，最緊要啟動相機嘅「雪地模式」或「背光模式」，免致背景過度反光而影響心愛靚相。
其他心水推介
拍片有640×480解像度，無限長度拍攝，0.9秒開機即影。
$2,480
超薄超輕機身，用SD記憶卡，玩SnapShot最方便。
$2,290
同樣具有無限長度拍攝，以xD為儲存裝置，10倍光學變焦。
$3,880
隨着數碼相質素愈來愈好，每張相嘅Size亦隨之而大增，一張400萬像素嘅數碼相閒閒哋都要成MB一張，若果話帶張256MB記憶卡去旅行，唔夠兩日就已經話咁快「打爆」，所以坊間就興起多款數碼相儲存器（DigitalWallet），閒閒哋都有十零二十GB容量，真係歐洲一個月豪華團都唔使慌。想話平平哋買番個儲存器，V-MP3H可以係個好選擇，因為V罘P3H採用手提電腦嘅硬碟裝置，可以隨用家喜好而安裝唔同Size嘅硬碟，令到容量更具彈性。而且V-MP3H唔單止用嚟儲相，亦支援MPEG及MP3，可以播片兼聽歌，而且重有個細屏幕隨時睇相，毋須下下都要用相機睇，順便可以幫部相機慳吓電！
其他心水推介
3.8吋LCD、40GB容量，支援播片及MP3。
$6,580
3.8吋LCD、20GB容量，支援播片及MP3。
$5,680
除咗影相拍片之外，各樣資訊喺旅行嘅時候都相當重要，所以一部PDA就絕對唔少得。而Palm電子手帳向來以軟件數量多為賣點，所以就吸引唔少人投向Palm懷抱。而最新作就有TungstenT3，320×480大畫面又好睇又好用，睇資料時就更加得心應手。而且內置64MB記憶體，若果都唔夠用，重有張SD卡，真係多多Game都裝得落，坐飛機等車就唔怕悶。TungstenT3除記憶體夠多之外，亦都有內置藍芽功能，可以隨時連接手機上網，去到邊度旅行都照樣收到E-mail。
其他心水推介
內置藍芽及WiFi功能，兼具影相鏡頭，6萬5色顯示。
$4,650
內置影相鏡頭，可拍攝640×480解像度相片，PalmOS5.2.1。
$1,980
內置120萬像素鏡頭，320×480解像度顯示器，32MB記憶體。
$3,880
數完硬件三寶，當然唔少得到軟件三寶，既然帶得部Palm去旅行，點可以唔裝番幾個好用軟件跟身？而且Palm嘅軟件成千上萬，總有幾個啱用，例如地下鐵或者字典，唔怕蕩失路之餘亦都唔驚雞同鴨講，𠵱家就即刻介紹幾個實用軟件畀你傍身！
日本乃香港潮友、IT友朝聖之地，所以無論如何都要識路，唔係就真係唔知「朝」咗去邊。呢款《Train》有齊全日本所有地下鐵線路圖，最強地方除資料龐大之外，更可以指定起點及終點，《Train》就會「點」條明路俾你行，唔使睇見個蜘蛛網地下鐵就腳都軟晒！
Train下載位：
路線資料下載位：
去旅行當然要清楚當地嘅滙率，所以唔想成日帶住個計數機喺身，裝番個兌換軟件落Palm就最方便。《Currency》只要事先入定兌換率，只要輸入價錢就即刻可以Show當地銀碼畀你睇，唔使下下都要拎住個計數機做人，無論跟團定自由行都係必備軟件！
Currency下載：
好多人都唔會帶住本字典去旅行，真係貪佢夠重咩？不過有時想用但係又冇得用就真係幾唔方便，所以喺Palm上享負盛名嘅字典軟件《KDIC》就絕對唔少得，中英文字庫數目由幾萬到十幾萬都有，完全可以符合自己需要而安裝。
KDIC下載：
字庫下載：
