年近歲晚，大公司當然要搞年夜飯，慰勞員工一年以來嘅辛勞，李嘉誠旗下嘅長和系噚晚就喺會展筵開百席，各公司董事、主要管理層與員工共有逾一千一百名出席，非常熱鬧。誠哥傍晚見到在場有唔少記者等佢，於是出嚟講番幾句，除咗大紋大路嘅樓市評論外，誠哥重多次向記者展示佢個最新型號嘅3G手機，話今日開始，就會改用新手機。佢對員工致辭時更講到明，「新手機將於一星期內由香港開始，並於三星期內在其他國家推出」；咁大家就識做，快快去換機。
至於整體經濟，佢相信「只要香港人恢復自強自信，積極面對經濟轉型所引起的種種問題，未來仍會取得更大的發展空間」。
至於新年願望，佢話想「沙士唔好再嚟」。
（圖〉誠哥攞住部最新型號嘅3G手機晒畀記者睇，重話今日就用得。 梁鑑章攝
傳真︰2623-9278
電郵︰