突破機構噚日慶祝成立三十周年，喺逸東酒店開慶祝會，教育統籌局常任秘書羅范椒芬親自到賀，突破機構榮譽總幹事蔡元雲醫生當場然好高興。
沉寂多年嘅雙氧水教派最近再次捲土重來，令天水圍嘅後生仔非常沉迷，記者見到羅范，順便問埋佢呢單嘢，羅范話，朋輩嘅影響好難避免，希望啲成年人可以幫吓手，開解吓啲年輕人，幫佢哋打開心窗，紓緩情緒。
蔡醫就更實際，佢提醒年輕人小心警惕邪教異端，要有辨別能力，市面上有好多唔同基督教派選擇，重話安全計可以查詢基督教聯合會同基督教協進會㖭。
（圖〉突破機構成立三十周年，榮譽總幹事蔡元雲醫生多謝羅范到賀。
傳真︰2623-9278
電郵︰