投資推廣署署長盧維思舊年年底搞維港巨星匯，受盡屈辱，事隔個幾月嘅新年度記者會，佢唔單止話舊年成績表靚，又重翻維港匯舊帳，抨擊傳媒淨係影啲空櫈相。
米老鼠解釋，巨星匯一口氣咁多場騷，梗有啲係大騷，好似滾石樂隊咁；但亦有啲細騷，因此佢哋喺設計場館時，當然以配合大騷嘅容量為標準去安排坐位，喺細騷表演期間出現一半人嘅場面好正常，但傳媒就淨係影住啲空櫈話反應欠佳，唔通叫佢哋擺少啲櫈就叫好反應咩。
其實，政府總共撥款十億畀米老鼠，負責沙士後重振本港經濟動力計劃，佢話埋單計數只用咗少於七億，當中包括耗資一億嘅維港匯；至於負責主辦嘅香港美商會，米老鼠話佢哋最遲會喺二月二十八日向政府提交有關財務審核報告，嘩，最近中國大罵美英勾結破壞，干預香港內政，轉帳做咗「中國人」嘅盧維思，醒定啲呀。
傳真︰2623-9278
電郵︰