八九民運中堅分子吾爾開希同沈彤獲得特區政府「恩准」，打正招牌代表民運人士嚟送梅艷芳最後一程，前晚同幾個朋友去咗蘭桂坊嘅64吧，緬懷一番，逗留咗兩個鐘先離開。
噚日梅姐出殯，開希好傷感，陪同佢嘅立法會議員劉千石話開希喊咗出嚟。而沈彤就因為有病在身，所以冇去最後辭靈。
開希送嘅花籃，上面寫住首李清照嘅詞，「倚遍欄杆，只是無情緒，人何處，連天衰草，望斷歸來路。」如果冇記錯，開希當年係北師大念中文系，中文有啲根底。
其實開希今次係攞中華民國護照來港，冇特別入境要求，佢亦冇話想出位，反正事隔十多年，好多事已成歷史，聽日佢就會返台。不過開希最大嘅心願係可以返祖國內地一行，𠵱家特區都嚟得，胡溫不如網開一面，干脆宣布取消通緝學運領袖名單，等大家都生活得輕鬆啲。
（圖〉吾爾開希前晚同幾個朋友去咗蘭桂坊嘅64吧，逗留兩個鐘先離開。
傳真︰2623-9278
電郵︰