容祖兒（Joey）、李克勤及女子組合2R前晚一同錄影《勁歌金曲》，提到早前Joey與楊千嬅因爭逐獎項而傳出不和，Joey直認與千嬅並非深交，但印象中對方是一個開心的人。
新鮮出爐的無綫《2003年度十大勁歌金曲頒獎典禮》「最受歡迎女歌星」容祖兒、「最受歡迎男歌星」李克勤和「最受歡迎新人獎」得主女子組合2R，前晚在無綫將軍澳電視廣播城錄影《勁歌金曲》。
早前有報道指Joey與楊千嬅為爭奪獎項而不和，對此Joey前晚說：「呢啲係雜誌寫，可以得最佳創意大獎。我承認我哋唔算friend，都冇對方嘅電話，但我覺得千嬅係開心嘅人，令人舒服，我哋唔算深交。」提到獲得「最受歡迎女歌星」獎項，Joey承諾今年會更努力，以不負師傅羅文的期望，她說：「我九八年開始識羅文，佢係一個幾挑剔嘅人，佢揀朋友或者徒弟，都係一種緣份，師傅一直保護我，教我好多嘢。佢年卅晚生忌，我會買定煎堆同花生，到時去上香。」
2R在環球的慶功宴上，曾笑稱克勤用獎項向女友盧淑儀求婚，對此克勤說：「嗰日飲咗幾杯都唔記得咗，過咗演唱會先，獎還獎，結婚還結婚。」而克勤前晚演出時因為心情太興奮，結果一不小心把舞台板弄至翹起，需要工作人員修補。
此外，2R表示今年樂壇頒獎禮大豐收，她們農曆新年返新加坡總算衣錦還鄉，2R說：「我哋之前都好有壓力，因為親友成日問我哋幾時出碟，之前延遲咗，爹哋都俾人問到口啞啞。」
採訪：駱華齡 攝影：陳烱威
