近期頻頻因減息而亮相解話的滙豐銀行總經理柯清輝，噚日展示出溫情一面，代表滙豐向二十二位表現傑出的員工頒發優秀服務獎。滙豐一直強調個人服務及增值理財，得獎的員工能從三千七百五十位獲提名者中成功突圍，皆因各人背後都有一個優秀服務的故事。
八方收到嘅料講及其中一名掄元者，係因為協助客戶歐先生順利接受由妻子捐贈嘅肝臟，並進行移植手術，因而獲得表揚。據悉，歐先生喺動手術前需要辦理確認手續，先可以進行手術；佢叫個仔從滙豐保管箱拎返張結婚證書，以證明同太太係合法夫婦。該名滙豐員工不辭勞苦，喺辦公時間後陪同歐生個仔去醫院，辦理所需嘅授權手續，等佢可以拎返張結婚證書，救咗歐先生一命。呢段奇遇，證明位員工又抵得諗又好好心地，真係抵佢得獎。
傳真︰2623-9278
電郵︰