賽車遊戲向來風魔唔少香港人，尤其卡通片《頭文字D》系列更係深入民心。日前One2Free就將《頭文字D》玩法結合手機JAVAGame，推出《極速車神》，甚具《頭文字D》風格，唔單止要同眾多車手鬥快鬥技術，重有得儲錢改車同訓練絕技，又要落場又要出街飛，一步步將自己實力提升兼且搵錢，不過想偷懶又想揸靚車，遊戲內亦都有問答賽，等玩家可以話咁易贏大錢買靚車。而即日起至1月31日，成功贏得《極速車神》嘅玩家更可以有PlayStation2一部，而「10大路霸」嘅頭五名玩家亦都有Nokia6220手機一部。最後一提，《極速車神》有SMS版本及JAVA版本，不論新舊型號手機都一樣玩得到！
記者：劉耀祥
查詢：25123123（One2Free）
