梁愛詩以律政司司長嘅身份喺法律年大談政治同法律嘅不同，希望唔好有混淆，八方見佢講帶法律界人士北上搵商機講得咁高興，愈嚟愈覺得佢應該重有排捱，會同老董共進退，做到尾。
雖然喺23條要夾硬通過之時，官場有傳聞話詩姐姐會做到23條過咗，即係大約今年就收工唔撈，但係呢個世界始終有好多變數，包括23條最後胎死腹中，詩姐姐同葉劉無法完成大業，葉劉走咗去，剩低詩姐姐……不過佢阿姐已經漸入佳境，唔單止成功拆去阿松遺留落嚟嘅地雷，最近特首又委以重任，同煲呔搞45條政改，有大任在身，詩姐姐睇怕好難走得開，唔怪得八方有次見到行會議員廖長城，佢猛叫八方唔好再提佢會接詩姐姐班，原來不是無因。
傳真︰2623-9278
電郵︰