上個星期，豐田代理皇冠車行正式引入Alphard豪華MPV抵港，雖然佢哋未有為新車舉行大型車展，但卻已教車壇內外掀起一陣哄動；皆因今勻皇冠車行所推出嘅，分別係動感V版及豪華G版嘅Alphard，除車內設備一應俱全之餘，兼且定價重係異常超值抵買，就連一眾汽車平衡進口商亦有所不及呢！亞Mark聽聞為此，有個別汽車平衡進口商，更特意親自致電豐田代理話事人嘅崔志凱先生㖭！
然而，香港奉行自由經濟，能否左右到豐田代理對Alphard嘅定價，亞Mark就唔抱樂觀態度，之不過側聞代理方面經已收過三十多部Alphard嘅定單，亦給平衡進口商有一定阻嚇作用，或許響稍後時間，代理會將Alphard車價調升都唔定，若有意想買代理版本嘅Alphard的話，咁就唔好錯過機會，要快一步去Showroom落定喇！