民主動力召集人鄭宇碩噚日搞咗個政改論壇，劉慧卿發言時乘機批評吓曾蔭權，話大會邀請三人小組三位司局長，只有林瑞麟應約，梁愛詩至少都講聲嚟唔到，卿姐話煲呔曾直情當佢冇到，答覆都冇。
林瑞麟咁抵得諗，雖然嚟到都係講三幅被，但鄭宇碩已經好「錫住」佢，林局長噚日話要早走，因為要參與宗教活動，鄭教授即刻話「唔好阻住局長靈修」。
特首前「國師」葉國華早幾日狂抦林瑞麟失職，推高市民期望，最後又令市民失望，鄭教授再幫林局長講好話，指葉國師講得唔啱，林局長其實由頭到尾都冇提升到大家嘅期望。李永達再幫多句口，話好體諒林局長難處，單方面迫林瑞麟解釋《基本法》的話，林局長睇怕辦唔到，只有參加VR（自願離職）提早退休。
傳真︰2623-9278
電郵︰