做得警隊一哥，當然有才有權又有關係，所以佢哋退休之後，大把人爭住羅致，好似李君夏去咗幫超人手，許淇安就入咗呂老闆間公司。
最近曾一哥退休，以佢嘅年紀，實在太過浪費；既然阿董生搵咗李少光接替葉劉，咁佢不如去搵真銀。八方聽聞，鄭老闆間寶號非常愛才，早前都請過警隊高層及其他退休高官，所以想搵曾一哥出山幫幫手，集團下面咁多瓣生意，實有用得着之處。
最大問題係一哥退休咗冇耐，未夠時間過足冷河，如果現時要加入私人機構，必須得到特別批准。
雖然話阿哥在政府內位高權重，但一定要跟足程序，例如得到李少光點頭，至好辦事呢。
（圖）聽講曾一哥會去鄭老闆間寶號幫手。 資料圖片
傳真︰2623-9278
電郵︰