古天樂與容祖兒為華納動畫電影《樂一通反斗特工隊》配音，昨日他倆為該片到荃灣愉景新城出席宣傳活動，又跟現場觀眾玩遊戲及大派利是。古仔似乎很喜歡小朋友，有一位小妹妹將一個毛公仔送給他時，古仔見小妹妹十分可愛，於是就拿了幾個公仔送給對方。
今個賀歲檔期，古仔除了要支持自己有份配音的《樂》片外，還要支持有份主演的《鬼馬狂想曲》，不過古仔就表示不擔心有衝突，古仔說：「一部係動畫，一部係搞笑嘅，其實兩部戲都唔同類型，觀眾基本上可以兩部都睇嘅。」
今次與容祖兒合作為動畫片配音，古仔笑說：「原來容祖兒好多懶音，同佢配音都幾搞笑，我都期望將來可以同佢合作拍戲。今年我想抽多啲時間喺歌壇方面發展，上年因主力拍戲，幾乎荒廢了歌唱事業，我覺得要發吓力啦！」
採訪：駱華齡