農曆新年快到，又係去舊迎新大掃除嘅時間。但如果下下都要新換舊，以𠵱家經濟市道，好似唔太合乎經濟原則喎！今日就教大家點用一支油彩筆，再加少少心思同技巧，將家中爛舊陳設，化身為好似街頭文化Graffiti一樣，充滿個人「色彩」嘅靚靚陳設，而且骨子裏重充滿着循環再用嘅環保意識㖭！
記者：吳嘉怡 攝影：梁細權
鳴謝：畫畫畫（電話：26771799）
從廳堂到睡房，一屋都是櫃：組合櫃、飾櫃、衣櫃……用至半新不舊，成個櫃換費時亦嘥錢。想Keep住佢新嘅一樣，何不用油彩自行翻新繪上圖案？畫工唔掂？只要做一張剪紙，黐在櫃上最殘破的一角來髹色，就要甚麼圖案有甚麼圖案了。剪紙都唔在行？索性搵張自己最愛嘅世界風景相，跟住輪廓照剪，效果一樣重好Easy！若然聖誕飲剩嘅紅酒箱重未丟，一樣可依樣葫蘆將它變成美輪美奐的「雜物箱」。總之油彩在手，即使畫工麻麻，都可替任何家具翻新，繪畫時可放大膽些，大有玩街頭塗鴉的藝術Feel！
材料
塑膠油彩 1盒 $108
Marker筆 1支 $10
畫筆 1支 $8
圖畫紙 1張 $2
步驟：
小秘技
初畫者，最好設計一些較簡單的剪紙圖案，裁剪時會較為方便。此外，在上色過程中，不要中途揭起紙張來看，以免破壞圖案的連貫性。
相信你我都一定曾遇過浴室嘅瓷磚碎裂，又或者出現污迹嘅情況，要將呢啲咁難清潔嘅問題一一解決，唔使動不動就話搵裝修師傅上嚟翻新咁麻煩；相對只要幫佢加一啲小裝飾，賣相唔單止截然不同，重可以為浴室帶來另一種感覺！
材料
爛瓷磚數塊
波子數粒 $30/包
防水瓷磚膠水 $30/支
畫筆1支 $8
防水油漆2樽 $30
步驟：
小秘技
上色前先用砂紙磨光瓷磚表面，上色會更為容易及令顏色更為持久一點。
花式一
自創個人圖案電話
同樣先以塑膠白油彩塗在電話表面，乾透後再塗第二層。之後以鉛筆起稿，並塗上顏色便可。塑膠白油彩的特性，是可以輕易塗上塑膠的表面，而白色則有遮蓋電話原色的作用。最好玩的地方是對厭了可再於其上上色。十足時裝潮流，季季換款都得！
花式二
充當遮暇膏 椅子刮花有得救
屋企的圓椅子，又坐又企，最容易出現刮花同污糟。這時油彩就如遮暇膏，可在刮花或受污部位加上幾筆。做法同上。
