剛過去嘅2003年12月，香港汽車銷量響經濟利好嘅條件下續有攀升迹象，整個月有紀錄嘅汽車代理總銷售額，多達1,772部，較11月份調升咗高達381部。其中又以日本車嘅升幅最明顯，竟比對起11月有達454部嘅增加，總計全月共售出1,200部新車，反而歐洲車卻有點下調，全個12月只售出543部新車，比11月嘅618部少75部。
然而，響一眾汽車代理商之中，仍以日本豐田及旗下嘅凌志品牌表現最突出，整個12月分別錄得378部及163部銷量，均較11月有126部及45部嘅升幅；有咁顯著嘅成績，皆因其中Corolla、Picnic及ES300車系，有大批新車到港交客有關。另方面，本田及日產代理響12月，亦錄得唔錯嘅業績，全月分別賣出272部同179部新車，對比11月分別有127部同98部增加。當中，本田Facelifted新版Stream及Jazz續受追捧，以及日產新Cefiro，有多達97部新車交客拉上直接關係；而剛轉投仁孚行旗下嘅韓國現代汽車，響12月亦有個唔錯嘅開始，全月共錄得16部新車嘅銷量數字。
相比下，平治代理響踏入2003年第4季以來，持續受到同屬德國嘅寶馬汽車所壓迫，前者全月只錄得126部新車銷量，而後者雖然銷量有下調，惟全個12月仍售出165部新車，其中全新寶馬5系及頂級豪華轎車嘅7系，續受到用家追捧，前者全月更錄得有114部銷量。至於剛轉咗代理商嘅瑞典富豪汽車，首月亦錄得有13部紀錄，其走勢有望踏入2004年後，因陸續有新車推出而攀升呢！