白韻琴昨日反傳統，以一身紅帽、紅衣、紅裙和紅靴打扮，到殯儀館送梅艷芳最後一程，現場有圍觀者不禁說：「有冇搞錯。」而她進入靈堂鞠躬時，在場人士亦為之側目。
事後記者問白韻琴以一身囍宴裝束到場，會否對死者不尊重？她說：「梗係唔係，今日我當嚟參加阿梅婚禮，唔係喪禮，阿梅去極樂世界，應該開心至係，我呼籲大家着靚啲嚟，阿梅選擇喺最璀璨同豔麗嘅時候離開，所以阿梅上天堂，我就當嚟參加佢嘅榮歸Party。」
而彭丹昨日亦以一身棗紅色打扮到靈堂，她說：「其實着乜嘢衫都冇所謂，最緊要出個心。」
此外，黃夏蕙昨日在契女陪同下到靈堂弔唁，她說：「我識咗阿梅六十幾年，呢排我晚晚睇電視重播《流星花園》（無綫重播的應是《香江花月夜》）見到阿梅，我忍唔住喊。」
採訪：魯萍、李渢洳
攝影：陳慧安