上周五，適逢係法國標致汽車，轉投森那美集團後首個本地傳媒聚會，亞Mark亦趁此機會，跟新代理新公司嘅AutoFrance高層見面。難得一眾成員，包括老頂嘅LeonardCheng、GeneralManager嘅DamianYip同市場部經理嘅CalvinLam，都係香港車壇一班資深成員同亞Mark嘅老朋友呢！難得有機會聚首一堂，既開心之餘重戥佢哋有個咁好嘅組合而高興㗎！
同日，位處九龍城宋皇臺道嘅標致汽車專用維修中心亦正式投入服務，亞Mark聽維修部經理EricCheung講，踏入1月以來，經已有唔少標致車主，透過電話同電郵預約維修同Check車，除已經接待過百部車外，等候排期車輛亦不計其數。有見及此，佢哋維修部員工除加班應付需求之餘，其他港、九及新界嘅維修點亦加入工作㖭！
至於踏入新一年，標致有甚麼新車會陸續抵埗呢？據Damian透露，除剛抵埗嘅頂級206GTi（馬力180匹）外，遲吓5月左右，重有全新硬篷頂嘅307CC，以及下半年9月左右，佢哋重會引入埋近期成為車壇焦點嘅407車系㖭！若然你係法國標致汽車嘅Fans的話，就記緊留意我哋遲吓嘅消息同報道喇！