二○○四年隨着佐敦一代的黑金復刻版（retro）而展開序幕，各佐敦迷亦是時候計劃一下點分配你嘅人工?零用?積蓄，在今年振興經濟、齊齊買波鞋！以下就是部份今年「佐敦牌」的搶錢復刻系列（見附表）。
AirJordanⅡRe-retro：鞋頭變闊，鞋底由「NIKE」變成「JORDAN」，距離上次復刻相隔十年才出的「復」復刻版令我好開心，因為我有九四年復刻版所以慳番；雖然好多人話期待，但我估唔使排隊買啩。
AirJordanⅣ+：任人話點正點好炒，我始終覺得Ⅳ代冇性格，只係flight89的變種；當初藤源浩着全白AJⅣ+之前，AJⅣretro只係賣四百九十九元，而且齊碼兼冇人吼；從來AJ灰鞋都唔好賣，AJⅣ灰鞋能打破這宿命嗎？
AirJordanⅦRetro：全世界佐敦迷響今年鎖定的目標，鞋踭究竟係9定23號？聽講「鞋版」係九號，但未到最後邊個可以肯定？重有，如果發售方法學上次AJⅣretro奧運版咁只限美國發售，咁就……
AirJordanXIIRetro：好多選擇，但係行貨會唔會番齊呢？女裝嘅白/北卡色靚到暈，重要係安東尼專用色，所以二月十四點都要屈女朋友送番對十二號畀我（女裝鞋碼細男裝鞋一點五碼）做情人節禮物。
年尾重有AJXIIIretro，顏色未定；當然重要支持AJXIX啦，重有傳聞中的19.5，好彩AJX復刻押後至○五年，否則日日捱麫包都唔掂！
Hleung──波鞋網站
Email: