【本報訊】距離春節還有個多星期，本港近日已「春色無邊」，新界區花圃和農場滿園桃花含苞待放，年桔生氣盎然，由於農曆新年提早來臨，部份年花未及開花應節，價錢因而較去年調高一成。想慳錢過年的巿民，可親身到農場購買年花，選擇較多之餘，價錢也較巿面便宜一至兩成，其中尤以桔類的售價差距最大，例如柑桔的市面售價每盆為三百至八百元，但在農場只售一百至二百元。 記者：黎國強
新界錦田、大埔一帶近日瀰漫着新年氣氛，財利（花園）農場場主馮正說，農曆新年提早來臨，加上天氣和暖少雨水，影響了桃花生長，本地桃花的供應量減少，「今年小寒後無幾耐新正月，立春遲咗，又少雨水，所以今年桃花未必可以好似往年一串串咁開，我哋花農惟有勤啲淋水催谷。」
幸經濟轉好，巿民選購年花的心情明顯比去年高漲，「好多客為咗揀到心頭好，會親自落嚟農場買桃花，今年我個場嘅客就多咗近兩成，而且無咩講價。」
在大埔林錦公路經營了近二十年的強記花園今年多了近兩成定單，場主李永強表示，近年多了巿民親自到花圃及農場買花，選擇較多之餘，品質更有保證，「我哋個場都係會用零售價賣畀啲散客，但係啲年花嘅質量就一定好，全部本地栽種，唔會返屋企種唔生。」
除了傳統的菊花、芍藥、牡丹、柑桔外，近年多了市民選購洋蘭作年花，其中蝴蝶蘭和惠蘭便是「大熱」品種，李永強說：「洋蘭嘅價錢通常係一菖一菖咁計，以前每菖要四、五百蚊，𠵱家由於產量多咗，價錢就大眾化好多，百幾蚊就買到一菖，而且洋蘭開花期長，啲花又優雅又大朵，好多識花之人鍾意買佢嚟做年花。」
專營蝴蝶蘭批發及零售生意的千葉園負責人楊龍輝表示，蝴蝶蘭的開花期可長達三、四個月，花朵數量多，而且價錢便宜，近年成為了賀年花卉「新貴」，以去年為例，該公司在農曆新年期間便售出超過十萬棵蝴蝶蘭。
