「一入到靈堂鞠完躬，就俾人趕出嚟啦，我想喊吓都冇機會」得悉阿梅死訊後，曾喊足三日的李太說：「阿梅去咗，我兩公婆都好傷心，𠵱家想入去陪多佢一陣都唔得」在旁安慰太太的李生以沙啞聲音說：「阿梅話過佢嘅喪禮唔鍾意人喊呀，唔好傷心啦。」
現時已六十歲的李氏夫婦，十多年前開始迷上阿梅的歌，「我全家都係阿梅歌迷，我個女晏啲會嚟送阿梅嘅」。李先生表示，早年因生計無暇去看阿梅演唱會，近年生活安定就加入阿梅歌迷會；「近幾年凡係阿梅嘅演唱會我兩公婆都買飛捧場」。李生說又說：「我兩公婆都同梅合照過，佢以前喺澳門搞生日會，我哋都特登過海出席，𠵱家佢去咗，真係令人痛惜」。說到與偶像昔日的相見場合，李太滔滔不絕如數家珍般，連阿梅當時的打扮都一一記住。