繼去年三月，日本三菱汽車於國內推出國產PajeroSport新車後，日前廠方又宣布於國內市場，推出極受歡迎嘅Outlander車系，並由北京Jeep車廠負責生產，及以三菱嘅品牌於市場上發售。日前，有關方面便於北京為國產Outlander，舉行一個隆重嘅登場儀式，三菱車廠代表響會上表示，佢哋對中國市場甚為看好，而用家對座駕嘅要求亦會日漸提供，故此佢哋會繼續為身處中國嘅用家，提供更高品質、表現更佳嘅新車咁話。
於國內推出嘅Outlander，係以北美版本為依歸，並由日本及中國嘅工程師，為新車作出不同嘅調校，務求可適合於國內嘅道路上行駛，同時又會以一台2.4公升電油引擎作動力核心，並有兩驅及四驅模式選擇㖭！