余文樂、黃伊汶和樂壇新人薛凱琪等，昨日在西貢出席「無國界野外定向比賽2004」。余文樂早前出席黃伊汶的生日會，被拍得當眾除衫，更有指他與黃伊汶已秘密拍拖多個月。自緋聞傳出後，二人昨日在活動上碰頭，依然表現大方。
余文樂被電台選舉封為「花心藝人」第一位，他說：「呢個名係傳媒畀我，我唔會理，自己唔係咪得囉！我嗰日喺黃伊汶生日會，因為整濕件衫，本來應該返去車度換，係自己一時失策。我當日亦冇露到『何B仔』，做乜攞『何B仔』出嚟。」
黃伊汶就表示不會為緋聞而對余文樂有所避忌，她說：「以後我會小心啲，等傷害我嘅人冇機會傷害到我，克勤都提醒我以後要小心啲。」黃伊汶又力撐余文樂非花心漢，她說：「花心嘅嘢見仁見智，靚仔都畀人花心感覺，我覺得佢係好男仔。」而黃伊汶前晚就打扮性感出席無綫《2003年度十大勁歌金曲頒獎典禮》。
採訪、攝影：王崇穎
