邊個話香港人人情薄如紙？一場沙士疫症就推翻晒呢啲講法，而且感人嘅事物一樣有市場。有報道話，香港人𠵱家最鍾意睇嘅書，唔係幾米嘅畫冊，唔係哈利波特，而係由喺沙士疫症中失去咗父親嘅一對姊妹所寫嘅《好爸爸，忘不了》。呢本書已經成為現時全港嘅暢銷書榜首，由去年聖誕節出版到𠵱家已經賣出咗一萬本。
一對姊妹嘅媽媽朱太話，向出版社提出想出呢本書嘅時候，出版社話已經冇香港人會睇呢啲書，估唔到𠵱家反應咁好。最後出版呢本書嘅突破機構都話，本來以為要等成一年、兩年，先賣到一萬本，點知唔使一個月就賣晒，真係出乎意料之外。
呢本書係由分別九歲同七歲嘅小作家朱家妤同朱家囗所寫，用圖畫同旁述文字紀念喺沙士疫症中過世嘅爸爸朱希德。每本書賣六十蚊，收入會用作兩名小作者嘅生活費用，讓二人可以好好成長。
傳真︰2623-9278
電郵︰