歌壇大姐大梅艷芳除咗有一把好歌喉，更有一顆民主愛國心，佢嘅喪禮就造就咗一次民運人士世紀飯局：華叔噚晚就幫襯誠哥，喺北角殯儀館旁邊嘅海逸酒店，掏荷包請專程來港參加阿梅喪禮嘅吾爾開希食飯，同劉千石、李卓人、麥海華、朱耀明牧師等坐滿一圍枱。八、九個人食飯，有雞、有鴨（舌）、有牛（膝）、有豬（咕嚕肉），放滿成圍枱，搞到身形已暴脹嘅吾爾開希淨食餸唔敢再叫飯。
今次係華叔等同吾爾開希回歸後首次同枱食飯。八方打電話問李卓人，佢話席間都係閒話家常，互問近況。但民運人士見面又點少得講「六四」？阿人話今年係「六四」十五周年，大家都話要大搞，諗吓港、台紀念活動有冇機會配合吓。
傳真︰2623-9278
電郵︰