特區政府有多位外籍高官嘅廣東話都講得好流利，其中一個係前任房屋局副局長華賢仕（AndrewWells）。佢老哥當年為房屋局嘅改組合併努力，點知報告一出台，佢老哥就離開政府。
八方上周喺陸恭蕙嘅午餐會見到佢企起身發問，之後就追問佢近況，先知佢𠵱家有時同陸小姐合作吓。見到咁多人往來香港及祖國，佢就諗起要做旅遊生意喎。
不過，諗還諗，要政府批㗎嘛？八方問佢係咪王永平阻住不放，佢竟然話唔係，重高級啲。有小道消息話華賢仕其實係被迫退休，但佢一直冇回應過。
八方問佢點睇現政府？佢話，重使問嘅，梗係唔正啦，否則你話佢點解要走？董建華政府點解咁失敗，咪就係大部份人都係唔高興走嘅，你話死未？
（圖）華賢仕改行做生意。
傳真︰2623-9278
電郵︰