財經事務及庫務局局長馬時亨噚日上港台節目，大講「五隧一橋」證券化及政府投資收益大增，講到好哋哋，點知到咗聽眾來電，第一個就講起馬仔「最痛」，即係令佢一再道歉嘅仙股事件。
呢位自稱「退休人士」嘅聽眾，大方到你唔信，竟然話雖然因為呢件事，自己手持嘅股票，由十蚊變成仙股，但一啲都唔怪馬局長，重話佢都係一番好意，結果搞成咁，馬局長完全係被拖累。跟住位聽眾就發炮，話既然收緊上市規例係正確方向，何解馬局長好似嚇窒咗，之後冇再跟進，唔通諗住多做多錯、唔做唔錯？馬仔就解釋話絕非唔做嘢，𠵱家做緊將上市條例收緊喎。
傳真︰2623-9278
電郵︰