「𠵱家我都唔知點算，唔通叫我打劫番人哋咩，我做唔出。」日前不幸遇劫的阿驥，說起當前困境，不禁淌下男兒淚。
四十八歲的阿驥，原任職髮型師，收入不多，但總算三餐不愁；四年前，他突然患上惡疾，生活起了很大的變化。
「我都唔知係乜嘢病，當時雙腳腳眼位被鞋踭刮損咗，本來好細嘅傷口愈爛愈大，一發不可收拾。」現時阿驥的傷口已擴大至雙腳小腿位置，醫生相信是因其血管及新陳代謝有問題，因每天要到醫院清洗傷口，阿驥近年已無法工作，靠綜援金過活。
上月二十四日阿驥獲發放綜援金當日，他往銀行提款後慘遭賊人洗劫，損失了三千八百元現金，幾乎是他全份的綜援金。「真係乞兒兜攞飯食，我自己行動唔方便，根本冇得反抗，之後我已經即刻報警，但到𠵱家都拉唔到人。」
突然間飛來橫禍，阿驥不但無力應付本月份的租金及各項雜費，連開飯亦有困難。「全副身家得番六十蚊，屋企又只有幾罐罐頭，根本冇辦法捱到下個月二十四號。」出事後，阿驥曾向社會福利署求助，惟只獲補發往返醫院清洗傷口的車錢合共一百五十二元，未能解其燃眉之急。
蘋果日報慈善基金了解過阿驥的實際需要後，撥款三千八百元紓解其困境。
捐款編號：C1252
暖流熱線
電話：29908688
傳真：23702192
電郵：
網址：