白鴿黨前主席馬丁呢輪好忙，但係前晚都偷閒去維園睇世界網球冠軍挑戰賽，皆因佢今日要開足全日會講沙士，去唔到維園。
八方同馬丁講番當年起草《基本法》，明明已經好清楚有個要跳三次欄嘅機制就可以改第三屆嘅行政長官同立法會嘅產生辦法，𠵱家又話要先問中央，話可能涉及修憲，有冇搞錯？馬丁笑指直情係起咗道牆喺度，等你冇得跳，咁多新關卡，八方乘機問有冇影響梁家傑參選決定？未講完，旁邊嘅李卓人就加把口話梗係冇。
馬丁見到有人批評啲老外將一己嘅民主自由觀念加諸亞洲各地，就話呢個問題並冇國界人種之分，好似你扭斷一個乜嘢人嘅手，佢哋都會叫痛；你用槍喺佢哋頭上轟，佢哋都會死，所以民主自由人權都唔存在因亞洲價值而有所不同嘅問題。
傳真︰2623-9278
電郵︰