舒淇及余文樂昨日到灣仔演藝學院出席「2003亞洲最美麗的眼睛亞太區總決賽」，身為隱形眼鏡代言人的舒淇以一條短裙出場，不過她為免走光，上台時就顯得小心翼翼，在台下亦立即以外套遮住雙腳。
日前黎明到香港殯儀館拜祭梅艷芳，問到舒淇同梅姐是否相熟時，她說：「我同佢唔係好熟，不過我崇拜前輩，到時應該會去殯儀館。」
而早前有指舒淇拍攝電影時受傷，她澄清只是觸及舊患，她說：「跌傷腰骨係之前拍戲，今次喺雲南拍《美人草》觸及舊患，有一日痛到起唔到身，跟住我返台灣睇骨科，原來係條骨歪咗，我要做物理治療，重要成三、四個月唔可以做運動，所以𠵱家肥咗少少。」
此外，余文樂昨日抱病擔任表演嘉賓，對於被電台聽眾選為最花心情人首位，余文樂坦言感到不開心，他說：「可能之前傳咗好多緋聞，啲報道令人有錯覺，我亦試過喺街上俾人指指點點，不過識我嘅人都知道我唔係花心就得，解釋都冇用。」
採訪、攝影：駱華齡
