梁漢文（Edmond）入行十四年，事業一直未見起色，早兩年更步入谷底，不過今年一月一日他在商台頒獎禮上終於可以叱咤風雲，成為大贏家。Edmond開心之餘，同時又要為亦師亦友的梅艷芳逝世而感到難過，心情十分矛盾，但他仍心存感激，感謝上天賜他艱苦日子作磨練，亦感謝伯樂黃柏高，以及女友與歌迷不離不棄，當然還有身邊一眾好友的援手。
梁漢文自參加《新秀》出道後，一直未嘗過大紅大紫的日子，眼見好友許志安、鄭秀文及蘇永康等都先後上位，Edmond事業發展卻未如理想，更因華星執笠而陷入谷底，直至他去年簽約黃柏高，才成功翻身。
今年是Edmond入行的第十四個年頭，他終於守得雲開見月明，一月一日Edmond在商台《叱咤樂壇流行榜頒獎禮》上橫掃多個獎項，成為大贏家，但他心情非常矛盾，一方面很興奮，但另一方面卻很傷心，因為就在他得獎前兩天，他的前輩兼好友梅艷芳（阿梅）離開人世，Edmond未能與阿梅分享得獎的喜悅。還好Edmond得獎那天，比起他的好友如許志安及盧巧音更能控制情緒。
Edmond說：「其實真係好矛盾，但係我覺得作為一個藝人，應該將情緒分開啲，喺幕前對住觀眾盡可能唔好苦口苦面，但係如果真係做唔到，我相信觀眾都可以理解嘅，不過人唔可以長期唔開心，○三年唔開心嘅嘢都已經過咗去，我哋要學識面對將來，要學識放下。」Edmond坦言與阿梅經常見面，但令他最深刻的是上年他再次活躍樂壇時，阿梅鼓勵他說要把握機會畀心機工作，Edmond不禁說：「今次總算冇令佢失望。」
Edmond在商台成為大贏家，他直言除了興奮之外，還吐了一口氣，Edmond說：「跑咗咁耐馬拉松，終於都跑出，𠵱家我行街多咗好多唔識嘅人恭喜我，都幾感動㗎，原來有咁多人陪住我同睇住我跑。」
Edmond回想起早兩年的倒楣日子，當時所屬的華星唱片公司倒閉，令他頓失依靠，感覺有如一個孤兒歌手一樣，心愛的保時捷跑車亦因拖欠供款遭人拖車，要好友許志安出錢相助，確實不好過，究竟他那兩年是怎樣捱過呢？Edmond說：「我記得我知道華星執嘅時候，我啱啱拍緊《西遊記》，重要拍多三、四個月先完，諗住都要專心拍埋套劇先㗎，咪拍完先諗囉，其實期間都有三、四間公司搵過我，但我又覺得唔係好適合。又要搵食，又要供樓同養屋企，咁點呢？咁啱喺內地有唔少電影公司搵我，咪拍住戲先囉，嗰陣乜都唔理，有戲就接，有啲三日就拍完，酬勞方面有啲六位數字，有啲得五位咋，拍咗都唔知自己做乜，都總算捱得過。」
Edmond常言萬事起頭難，所以他對自己說今次捲土重來，一定要裝備好自己，雖然他兩年來不停拍一些爛片來維持生計，但也不忘努力練琴，如今終於證明他的努力是沒有白費，Edmond說：「有乜嘢困難，只要你勇敢面對一定可以解決到，總有出頭天嘅。」
