梅艷芳九七年接受香港電台DJ夏妙然訪問時，曾透露相信下一世她會做男人。
昨日夏妙然在電話中說：「一台聽晚（即今晚）九點至十點會播出阿梅嘅紀念特輯，當中會播番阿梅早年嘅訪問片段，好似九七年阿梅曾經講過佢自己有幾個心願，譬如結婚同生仔咁，另外一個就冇乜可能實現到，就係佢話想做男人。」
夏妙然續道：「阿梅話自己上一世係男人，所以今世安排佢做女人，佢話相信下一世自己會做番男人，但如果佢有得揀嘅話，做女人都唔錯。」
夏妙然又說：「另外，○一年我問佢咁耐以嚟最鍾意自己邊首歌，阿梅就話係《火鳳凰之舞》，因為火鳳凰有重生嘅意思，有明天就有希望，所以你哋（聽眾）唔好咁難過，相信香港明天會更美好。阿梅係用火鳳凰嚟比喻香港再次重生，希望聽眾唔好咁失落。」
採訪：戴彩煥