東京改裝車展Modulo改本田Odyssey惹人注目

東京改裝車展Modulo改本田Odyssey惹人注目

正當美國底特律舉行北美國際車展之際,另一邊廂嘅日本幕張,亦舉行咗向來備受改裝車Fans注視嘅東京改裝車展;今屆改裝車展上,除有早前我哋曾作介紹嘅萬事得Mazda3MazdaspeedA-Spec特別版外,原來本田廠方亦有為旗下多個車系,推出改裝特別版,其中最惹人注目嘅,實非新一代Odyssey莫屬。
名為OdysseyModuloConcept嘅改裝車款,不但加裝一身跑車包圍、改換大型跑車合金胎軨之餘,車頭泵把連氣霸更採用上類似F1戰車嘅設計,襯以Low低咗嘅車身,從而令部車嘅造型變得跑味十足;至於車廂部份,除改用上六座位設計,令乘客可有更充裕嘅空間感外,享受可謂更上一層樓。
若然你想知多啲關於今次東京改裝車展嘅消息的話,不妨Click入大會嘅官方網頁睇吓噃!
網址:www.e-autosalon.net