就快二十歲嘅平山綾，前日興高采烈咁同人講，話會喺一套韓國電影《風之Fighter》中擔正做女主角，重話個導演舊年第一次同佢見面時，就已經對佢「一見鍾情」，指定要搵佢做主角喎。但唔好話我羅拉篤爆，我之前都講過廣末涼子原本接咗呢套戲，不過後尾因為佢大咗肚先推咗，平山妹妹𠵱家口響響話自己係導演第一選擇，唔通佢冇睇報紙㗎咩？