曾惹來車迷注視嘅佳士拿PTCruiser，廠方特別於今次北美國際車展上，展出咗全新開篷版本嘅PTCruiserConvertible；新車造型與硬頂版相近，但改用開關簡單容易嘅軟篷頂後，頓時變得更具吸引力，並能讓你盡享開篷車所帶畀你嘅無窮駕駛樂趣㖭！至於車廂方面，空間比其他同級對手來得寬敞之餘，附以承托力十足嘅座椅，乘坐舒適度絕不遜於豪華轎車，設備配搭更係齊全易用㖭！
另外，廠方更為用家提供有多個不同引擎配搭選擇，但全同屬2.4公升型號，不過經調校及加裝Turbo裝置後，馬力輸出分別係150匹，以及180匹不等，絕能迎合不同用家嘅口味呢！唔知身處香港嘅車迷，有無機會與之見面呢？