高爾夫球呢家玩意已經吹到入屋邨家庭，再不是甚麼「非富則貴」的上流社會休閒活動。只要你突然想玩Golf，約埋一班知己就可以去政府轄下的Golf練習場紓展筋骨。若嫌買唔到幾皮嘢嘅Golf用品亦唔使愁，觀塘工廠區有間專賣高爾夫球的平價店，不但可以在這裏的練習場練波，Golf棍桿重可以逐支試到啱先買！
記者：何善華
攝影：梁細權
Model：Ricky（Imagine）
呢個特賣場唔止Golf用品齊備兼比市面價錢平，而且重可以即場練習一下高爾夫球技術。特別設有三個室內練習場，租桿費用每小時$10（每次計），而租場則只是$25一小時，要學好Golf絕技可以靜靜哋在這裏苦練，操Fit後再出去同班朋友鬥波。
（左至右）
1﹒ScorpionII木桿
特價：$750 原價：$1,300
鐵桿桿身含鈦金屬質料，夠硬淨；而桿頭面積夠寬大使球起飛時的角度及準確性增大，適合初學者使用。
2﹒Cleveland沙桿
特價：$560 原價：$1,100
足有60度數的桿頭於低沙地帶同樣打得起，但打沙桿的根基當然是手腕強而有力，鐵桿桿身含鈦金屬，既輕且硬。
3﹒Combi長草拯救桿
特價：$400 原價：$780
這支Combi長草拯救桿，容易在長草地帶打得起之餘，亦可打到更遠的距離，令球友挽回不少的桿數。
4﹒XPC初學練習桿
特價：$180 原價：$400
初學用的練習推桿，7號桿21度數，一般都是在人造草地或平地使用，屬初級起步者的專用桿。
特價：$480 原價：$900
要在沙地場一展身手，首先就要克服及承受沙力的重量，才能發出有力而準確的揮桿。這支沙桿練習桿內特別裝上一堆小沙，要練到揮桿時聽不到有沙粒在桿內搖動才算合格。
特價：$300 原價：$700
日本運動名牌子，藍白色Mizuno高爾夫球桿袋用上尼龍質料做，夠耐用。桿袋口闊可盛載超過八支高爾夫球桿，同時備有數個暗袋，方便盛載小型物資。有揹繩設計攜帶輕便，返上大陸打Golf最適合。
特價：$380 原價：$750
黃色搶眼大球桿袋，同樣選用尼龍質地，硬硬淨淨，比普通的高爾夫球袋不同的是多了2個小袋，可整個桿袋豎立在地上。
特價：$400 原價：$680
去打Golf要更換衣物，這個灰白色輕便盛物袋一定啱用。拉鏈開關設計，兩邊袋側亦有小袋裝置小件東西，手抽位有攜手扣，就算自己唔拎都方便球僮跟身攜帶。
特價：$200 原價：$340
全尼龍製造，棗紅加白色外形，主要裝置打Golf時的球衣及裝備。特別之處在於袋子底部有厚墊設計，打高爾夫球時就算有貴重物品隨身都唔驚有損爛。
特價：$48 原價：$100
打Golf要專業及安全一點，戴番隻護手套當然少不免。呢款由Wilson出品的米白色手套，以羊皮製造特別耐用，備有魔術貼調校手套的鬆緊度。
特價：$280 原價：$430
高爾夫球專用鞋，平底鞋底方便在草地行走，同樣備有防水設計，於濕地打波都唔驚入水，鞋尖有透氣孔，舒適襟着。
特價：$180 原價：$300
要學得一身高爾夫球絕技，良好基礎一定要打得穩。想無師自通亦可，呢款姿勢矯正器就最適合初學者使用，矯正器可隨意調校揮桿手勢，兩膊與雙手合什成三角形就是「最佳姿勢」。
特價：$680 原價：$1,100
不少家庭都會讓小朋友學打Golf，但成人用的大桿又不適合他們。這套小童專用的高爾夫球套裝，包括5支棍桿（5號桿、7號桿、9號桿、兩支推桿）及小型尼龍桿袋，有揹繩設計，小朋友打Golf都有自己一套，唔使同人爭。
一級棒高爾夫特賣店
電話：27903366
地址：觀塘鴻圖道32號榮興利工業大廈B座3樓
營業時間：11:00am-9:00pm（周一至周六），逢周日休息。
