倪震和張燊悅等前晚出席一個以春宮圖為設計主題的鐘表活動，倪震發揮才子本色，與傳媒談情說性。他笑稱自己是簡單人，並不追求高難度的招式，他說：「不過識多啲都係好嘅，睇都係情趣啦！」他又大讚美國人氣電視劇《色慾都市》劇本一流，可惜眾女角不夠漂亮。
倪震、張燊悅及周汶錡前晚往銅鑼灣，出席崑崙表「HoursofLove」活動，這批鐘表的最大特色是以十九世紀春宮圖作主題，前晚眾嘉賓絞盡腦汁，為此鐘改一個貼切的中文名，最後出自周汶錡手筆的「時刻在愛」勝出。
昨日眾嘉賓均毫不忸怩大談性事，倪震更是字字珠璣，他表示父親倪匡有收藏印有春宮圖的珍品，他笑說：「家父收藏，我就有份睇。」他並指自己接受西方教育，曾修讀有關課程，他說：「所以我知邊啲（招式）得，邊啲唔得，有啲高難度招式係用唔着嘅，我係一個簡單人，唔使用到呢啲（招式），不過識多啲都係好嘅，睇都係情趣啦。」
倪震並笑說：「做呢啲難度動作好易整親㗎，我有個朋友睇日本卡通學某啲動作，結果就整親啦。」問他與女友周慧敏計劃何時結婚？他說：「我哋有共識㗎啦。」問他性生活方面兩人是否也有共識？他則說：「你問番佢啦，太私人啦。」
再問倪震有沒有性幻想對象？他說：「有，重不斷增加㖭，同時間諗好多個都得㗎。」他又表示期待香港有男裝版的《色慾都市》推出，他說：「美國嘅版本劇本一流，但係啲女主角就唔夠靚。」
張燊悅則表示現代女性都不會避忌談性，問她自評是保守還是開放？她說：「同阿媽嗰代比，梗係開放，同鬼妹比就梗係保守啦。」她又表示沒有一夜情的經驗，她說：「我係明星，會好尷尬嘅。」
採訪：RitaLeung
攝影：MatthewLam
