1991年，會係萬事得車廠值得驕傲嘅一年，皆因當年萬事得一部787B戰車，於利曼（LeMan）24小時耐力賽中，力壓同場世界各地嘅車廠車勝出，成為歷來惟一日本參戰車贏取呢項比賽。
而萬事得787B得以力壓群雄，完全有賴車廠對轉子（Rotary）引擎，多年來不遺餘力研發嘅成果。回首1967年時，萬事得推出CosmoSport雙門跑車，到今天新世代嘅RX-8跑車，廠方一直努力不懈，由最初開發嘅一台只得110匹嘅10A轉子引擎，及至今日RX-8所擁嘅一台250匹Renesis轉子引擎，可謂完全體驗出萬事得努力提升轉子引擎表現嘅不朽精神。
唔講唔知，回數RotaryEngine自德國人發明後，輾轉落入萬事得車廠至今，廠方對轉子引擎嘅研發，經已有超過30年嘅豐富經驗，期間雖然有唔少挫敗及成功，惟車廠仍然堅持信念，在不斷研究同測試中，獲得寶貴嘅轉子引擎科技，大大提升及後RotaryEngine跑車性能，並成為目前世界唯一大量生產轉子引擎嘅車廠；而最新投產嘅RX-8跑車，可會是新一代Renesis雙轉子引擎科技嘅創意及結晶呢！
世界車壇上嘅紀錄，不斷推陳出新，惟早前資料所得，同一車廠旗下嘅SportCar車款，總銷量能夠獨佔鰲頭就只剩得萬事得車廠；呢項紀錄至今仍由同廠MX-5（右圖）、RX-7及RX-8所共同擁有㗎！
