係人都知每日上晝十一點前，管治香港嘅唔係董建華，而係「大班」鄭經翰。大概政府都聽到呢個講法，中央政策組於是做咗個調查，睇吓市民點樣聽「烽煙」節目。結果發現十個人當中，有成八個人有聽呢一類節目，而其中六個聽大班。又難怪啲官怕咗佢至怕米貴。第二位嘅就係黃毓民，亦係令政府頭痛到極者。
八方聽聞，呢個報告今個禮拜已經交咗畀行政會，梁振英呢班人會點做八方就唔知。不過，牌又啱啱續咗，冇理由派警察上去封台，所以，最大可能就係接見吓「意見領袖」，搞啲公關，希望鬧嘅時候都細力啲。
晨早有大班，午後有十八樓C座，傍晚有毓民，深夜有倪震嘅《絕情谷》，阿董又點會有運行呢。
傳真︰2623-9278
電郵︰