三菱車廠響今屆北美車展會場內，展出全新EclipseConcept-E概念車，因而成為車迷焦點所在；皆因佢係以近年輕起，兼且又環保嘅混合動力系統作配搭，其中更以一台輸出強勁嘅3.8公升V6偈作核心，附以能輸出動力達150kW嘅電馬達，合共能為新車提供470匹或以上嘅動力，匹配一套6前速波箱，表現絕能令人留有深刻印象。跑車化底盤結構，喺由前輪柱式獨立，以及後輪多連桿組成嘅懸掛系統輔助下，路面循迹表現亦見不俗。
EclipseConcept-E嘅外形可謂極具吸引力，圓渾流暢嘅車身線條，正好顯現出一份高性能跑車韻味，而低重心設計，更方便乘客進出車廂㖭！車廂內嘅2+2座位編排，空間寬敞闊落唔在講，鋪排更極富CyberFeel㖭！