香港好多潮人一族，鍾意新產品，不過電訊管理局就提醒各位用家，去買室內無線電話同埋手提對講機嘅時候，唔好一味貪靚，記住要買啲有電訊管理局（OFTA）認可標籤嘅器材，以免犯法。 雖然當局冇規定啲舖頭一定要將「經驗證可在香港使用」嘅標籤貼喺產品度，但係各位用家其實有責任問清楚嗰樣電訊產品係咪得到當局認可，即係符合區文浩局長制訂嘅規格，唔係嚇你，違法最高可以罰款五萬及入獄兩年，都唔輕㗎。 有唔明，可以去呢個網址睇吓www.ofta.gov.hk ，或者拎張宣傳單張嚟睇（圖）。 傳真︰2623-9278 電郵︰[email protected]