由幾年前反公安條例開始投身政治運動嘅「學聯五子」之一，香港大學學生會前女會長張韻琪，由聽晚起正式喺香港電台第二台開咪，聯同另兩位青年DJ主持一個全新時事節目，節目叫《不是請客吃飯》，源於毛頭嘅語錄「革命不是請客吃飯」，每逢星期六晚十點至十二點播出，𠵱家正職喺環保團體綠色和平任職項目主任嘅張韻琪話，節目會針對青少年，以青少年角度評論社會時事，佢希望令香港嘅學生哥知道，唔好老師教乜就信乜！梗係喇，張韻琪本人就係「老師教乜佢唔聽乜」嘅人辦，香港隨時會多咗個「少年變性大班」。
可能你又以為，青少年時事節目邊有市場㗎，但係據港台做嘅調查發現，最受青少年歡迎嘅電台節目竟然係時事節目，連音樂節目都要屈居第二位，原因估計同7.1效應有關，真係唔好睇小佢，今日做縮水大班，明日分分鐘係劉慧卿第二呀。
傳真︰2623-9278
電郵︰