論樣貌，女金剛娜華蒂露娃絕對不及今次一同來港的舒拉寶娃或是迪文泰娃，但說到鬼馬，則女金剛稍勝。噚日嘅混雙，當對手韋爾科克對住佢開一個強發球時，女金剛接唔到後，索性跑去身後嘅巨型相機模型後面，裝着逃避發球，令緊張嘅比賽添上點點幽默。可惜佢最後輸波，緣盡今次表演賽。
主辦機構噚日搞咗個球星示範，其中一節由舒拉寶娃同費達拿對打。一向有留意女網嘅球迷，都知道舒拉寶娃平時打波唞氣聲好大，不過佢噚日示範時就冇乜聲氣；而對手費達拿為搞氣氛，就特登扮舒拉寶娃打波時嘅動態，男人扮女人唞氣，引到在場觀眾捧腹大笑。
維園舉行呢項世界網球冠軍挑戰賽，其實都算重建香港活動之一；不過，噚日嘅開幕禮就似乎簡單咗啲。由一班中學生用身體砌成一個「心」形，向全世界表達（WeLoveHK）。之後雖然有球星亮相，不過衰在冇乜交流，直至球手將網球拋上觀眾席，先出現少少高潮。