沉寂多時嘅天地數碼（500），近呢一個月明顯生番，無論股價同成交都強勁好多。
經紀陳話，市場傳出炒家收貨收得七七八八，兼夾得到唔少大陸投資者垂青，所以先至有咁好表現。
有份參與炒作的炒家周圍同人唱，講到個目標價天咁高，小初真係唔知信唔信好。
小初記得，舊年天地數碼以在大陸推行有線電視數字化的概念，曾經炒過一排，但隻股每次升至1元水平，就有強大沽壓湧現，其後在9月份，公司以0.82元先舊後新配股，之後股價更加一沉不起。
在去年聖誕節前後，天地數碼終於再見到有異動，據講當時開始有大陸投資者參與炒賣，股價大幅上升，並多次上試新高。
雖然隻股近期走勢明顯轉佳，兼有成交配合，但小初始終覺得隻股走勢太過飄忽，好似噚日咁，最高見過1.27元，最低見過1.12元，收1.18元，最後微升唔夠1%，走勢相當波動，真係相當難玩。
慕容小初