常言道美酒佳餚，但不少人都覺得酒苦澀，很多女士都不愛喝。但研究發現酒類有美容功效，近年美容界亦掀起一股美酒護膚熱潮。啤酒可去除體內多餘水份兼護髮、米酒令你皮膚更白滑、紅酒可抗氧化等，睇落真係好處多多。既然唔係個個鍾意飲酒，專家就研製出酒的護膚品，令女士們由面到腳都可以享用酒的好處。搽多多都唔怕醉，浸埋酒浴就更加係享受，貪靚點都要試！
記者：梁珮瑜
攝影：陳智良、楊錦文
最新推出的身體精華SK-IIBodyDesigner，首創塑身複合配方，主要成份有名貴的頂級日本清酒「吟釀」（Ginjo）複方，有排走身體多餘水份及廢物的作用。而吟釀的獨特清酒芳香氣味，亦有香薰一樣的鬆弛及減壓功效。其他成份包括有海洋、草本精華及修護身體細胞元素Pitera等，同時可改善鬆弛下垂的身體部位。排水、緊膚、滋潤三合一，市面上都好少有！
搽精華時最好配合埋SK-II的淋巴引流按摩，每晚按摩吓就可以改善血液循環及淋巴引流，減退浮腫及Firming事半功倍！
據古籍記載，楊貴妃都有經常浸酒浴來美膚㗎，所以米酒可以話係最早被發現有護膚功效嘅酒類。又話說日本人在很久以前，發現在米酒製造廠做釀酒工作的婆婆，臉上滿布皺紋，但雙手就又白又滑。後來經多年研究就發現米酒在提煉的過程中，經天然酵母菌發酵後，對皮膚有高效的護膚作用。所以現代日本女生都鍾意米酒浸浴，認為常浸可以美膚又修身。
紅酒是最美味的藥，飲適量紅酒證明對身體有益，如果唔好酒，惟有用含紅酒成份的護膚品補數。紅酒用葡萄釀製，含多酚、寡醣及維生素等成份，據講可以抗氧化、保濕、促進新陳代謝、防皺紋、抑制黑斑兼令皮膚更有彈性，美容效用真係令女士們趨之若鶩㗎！
去唔到法國波爾多歎至出名的紅酒Spa，喺香港一樣可以享用星級的紅酒浸浴。沐蘭最新推出酒釀水力治療護理，加入紅酒的全身水力按摩，促進血液及淋巴循環，可以改善身體的新陳代謝，兼可紓緩疲勞肌肉。全身浸住紅酒當然有修護皮膚作用，重有專人幫你按摩頭部，諗起都爽！
日本RedLover新推出的紅酒美白保濕面膜，主要成份有紅酒多酚精華及多種天然草本及中草藥精華，包括迷迭香、松果、蛇麻草花及檸檬精華等。話明每天敷15至20分鐘，連續用7天就可以令皮膚更白滑更有彈性，重有保濕作用。
講起葡萄酒，其實以紅、白葡萄製成的護膚產品，同樣具美容作用，是紅或白酒以外的護膚選擇。特別推介法國品牌CAUDALIE，因其成份不單止含葡萄肉，更包括葡萄核及柄。佢更把葡萄多酚提煉成註冊專利的醫學用95%高濃度，可以好有效咁對抗游離基、保濕、強化皮膚、保護骨膠原及彈性纖維！
a. C40Anti-WrinkleCream含抗氧化及高度滋潤配方，適合剛開始出現細紋的乾燥皮膚。$300
b. 天然葡萄水GrapeWater，提煉自成熟葡萄，能滋潤皮膚及紓緩提神，任何時間都可以噴，或可用作卸妝後保濕。$78
c. 潔面泡沬含葡萄精華、海藻等天然成份，能徹底潔面，而葡萄小白花及金菊香氣亦好正。$175
查詢：
CAUDALIE（22414950）
RedLover（28073303）
SK-II（25829849）
沐蘭（31020208）中環德己笠街1號世紀廣場18樓