郭富城、任達華、郭秀雲和王敏德等前晚在銅鑼灣出席吳宇森執導的新片《致命報酬》首映，而吳宇森今日會到台灣宣傳電影，他表示這次來港來去匆匆，未能跟好友周潤發見面。
而大會前晚就安排了一部寶馬電單車在現場造勢，王敏德更貪玩地騎在電單車上拍照。
城城近日接拍杜琪峯的新片《柔道龍虎榜》，飾演柔道高手，他說：「我有兩年冇拍過動作片，對上一套係《雷霆戰警》，我呢排日日撻生魚打到飛起。好耐冇同過杜琪峯合作，呢次再合作，我發覺佢戒咗煙，都係好事嚟。」對於陳奕迅（Eason）的父親陳裘大貪污罪成，判監七年，城城說：「我都有問候Eason，希望佢好快會冇事。」
此外，問到吳宇森可有留意香港影壇的新人，他說：「我呢輪冇留意，但幾日前見過鄭伊健，覺得佢好瘦。」
採訪：卓寶花
攝影：陳烱威
