馬時亨局長前晚請客，原來除咗記者收到料之外，馬局長亦收到料，就係《經濟日報》嘅副老總任美貞已經遞咗辭職信，同大老闆馮紹波saygoodbye，聽講佢阿姐過咗農曆年無耐就會起身，目前未知去向。
任美貞又係一個中英皆掂嘅女記者，做過《英文虎報》、《南華早報》，嗰陣同八方一樣，跑政治新聞，後嚟又做過《信報》同《經濟》，就變咗做專跑財經新聞。由政治轉去做財經都有唔少人，不過，任大姐算係成功型，而且闖出名堂來。
八方問Shirley之友，佢會去邊？聽講重未最後拍板，可能唞唞先，可能去讀書再進修，總之過咗年再算。
傳真︰2623-9278
電郵︰