白韻琴前晚與男友謝偉俊、郭富城及吳思遠等，往銅鑼灣出席新片《致命報酬》首映時，談及梅艷芳上周病逝，娛樂圈中人都十分關心，白姐姐對此說：「社會上都冇人好似阿梅咁又識唱歌、跳舞同演戲，我以前做電台節目都同佢傾過偈，我覺得阿梅嘅自我形象好低，好唔開心。」
白姐姐續說：「以前佢同啲徒弟喺我間日本料理店度食過嘢，次次埋單都要幾萬蚊，佢哋會叫啲魚生嚟掟，我試過叫員工唔好賣畀佢，我亦同過阿梅講：『你第日賺唔到錢就死！』佢都話：『我到時死㗎啦！又唔會有人娶我。』我諗阿梅覺得自己歌女出身好自卑。其實生命唔在乎長短，只在乎精采與否。」
而吳思遠表示希望阿梅可以安息，他謂金像獎會追頒獎項給她。至於曾在《愛將》MV為阿梅伴舞的郭富城，則坦言對阿梅病逝感到惋惜。
採訪：卓寶花
攝影：陳烱威